Видео запис - Дрен 2014

Изложба на дела од колонијата Дрен 2014

Во галеријата од Центарот отворена е изложба на дела од колонијата Дрен 2014. Изложени се 30 слики што ги создадоа 12 уметници, учесници на седмата по ред ликовна колонија Дрен, што се одржа во манастирот "Св.Илија " во Дрен од 27 јуни до 26 јули годинава.

На изложбата претставени се делата од Данчо Ордев, Панде Петровски, Билјана Билбилоска, Валентина Илијевска, Ирина Титиева, Новица Трајковски, Тони Чатлески и Марјан Стојаноски од Македонија и Олга Панкина, Натали Рахлина и Евгениј Северухин од Русија и Билјана Долиќ од Србија.

Со изложбата на колонијата Дрен заврши годинашната манифестација Прилепско културно лето која понуди над 30 настани, концерти, изложби и манифестацијата "Изворен фолклор на балканските народи".

Изложба "Дрен 2014"

Седма колонија "Дрен"2014

Единаесет уметниците од земјата и од странство десетина дена твореа во манастирот Св. Илија во с. Дрен, на седмата по ред ликовна колонија "Дрен". Воодушевени од убавата природа, распослани со штафелаите низ манастирскиот двор сликарите со четките, шпаклите го овековечуваат овој живописен предел. Триесетина дела создадоа Данчо Орде, Панде Петровски, Валентина Илијевска, Ирина Титиева, Марјан Стојаноски, Билјана Билбилоска и Тони Чатлески и гостите Билјана С. Долиќ од Србија и Наталија Рахклина, Олга Панкина и Евгениј Северушкин од Русија.

- Манастирот е преубав простор. Убава природа. Има посебна енергија создадена за творештво изјави Данчо Ордев.

- Ова е вистински рај. Преубаво место, преполно со енергија за творештво. Вистинско ателје. Имавме убава дружба. Сум бил на повеќе од 30 колонии во земјата и странство, но овој простор е фантастичен за уметниците - изјави Панде Петровски.

- Многу убав амбиент за творештво. Инспирарана од тишината создадов романтични дела посветени на љубовта - изјави Билјана С. Долиќ од Србија.

- Воодушевена бев од просторот. Насликав неколку слики со различна тематика, од кои една поврзана со македонската традиција - рече Олга Панкина од Русија.

Ументиците велат дека колониите, особено прилепската што ја организира Центарот се вистинско место за дружење и за размена на искуства.

Делата создадени на Дрен 2014, ќе бидат презенетирани на изложба на 5 септември, на завршницата на "Прилепското културно лето".