Колонија ДРЕН во манастирскиот комплекс Св.Илија

Убавата природа на манастирскиот комплекс ,,Свети Илија,, во с.Дрен е инспиративна за творење на уметниците - учесници на Петтата по ред ликовна колонија ДРЕН 2008, (се одржува од 29 јуни до 7 јули 2012) што ја организира ЦК,,Марко Цепенков,,.

Воодушевини од природниот амбиент со шума, цвеќиња, стари куќи, уметниците создаваат дела кои ќе останат трајно наследство на ЦК и на државата, бидејќи колонијата се одржува со поддршка на Министерството за култура.  

Творат Светлана Солодовникова и Олга Петракеева од Русија, Драгана Бранковиќ и Мита Ристиќ од Србија, како и македонските уметници Сергеј Дамовски, Христина Зафировска, Владимир Кнежевиќ, Силвана Атанасовска, Мирослав Стојановиќ, Верица Димовска, Тони Чатлески, Анка Данаиловска, Владимир Темков...

Делата создадени на колонијата ДРЕН ќе бидат изложени на изложба во рамките на манифестацијата,, Цело лето - културно лето 2012 ,,

ВИДЕО - ЛИКОВНА КОЛОНИЈА ДРЕН 2008

ДРЕН 2012

ДРЕН 2008

Манастирскиот комплекс ,,Св. Илија,, во селото Дрен повторно беше местото за дружба на уметници, бидејќи од први до деветти јули 2011 се одржа ликовната колонија ,,Дрен 2008,,. На колонијата, која се етаблира како реномирана ликовна манифестација во земјата, учествуваа  уметници од Македонија, Србија и Бугарија.

Во убавата природа на манастирот, твореа:
Сергеј Дамовски
Владимир Кнежевиќ
Тони Чатлески

Ликовна колонија „Дрен 08” - креативно творештво

(9 јули) На третата по ред ликовна колонија што ја организираше НУЦК„Марко Цепенков”, тринаесетте уметници од земјава и странство, создадоја повеќе од триесет ликовни дела. Деветдневната заедничка дружба, далеку од градскиот асфалт, во недопрената природа на манастирот „Св. Илија” во село Дрен беа повеќе од провокација, уметниците да творат и создаваат дела несебично внесувајќи ја во нив својата креативност и импресија. Изложбата на ова креативно творештво на годинешнава ликовна колонија „Дрен 08” пошироката јавност ќе ја има на увид во втората половина на месец август.

Ликовната колонија „ДРЕН 2008“ по трет пат

(1 јули) Ликовни уметници од земјава и странство од први до деветти јули ќе творат во рамките на традиционалната, меѓународна колонија „Дрен 2008“,што Центарот за култура „Марко Цепенков“ со подршка на Министерството за култура на Република Македонија ја организира во живописниот амбиент на манастирскиот комплекс во селото Дрен. Сликари од Македонија, Бугарија и Полска, својот уметнички порив ќе го насочат кон создавање уметнички дела кои трајно ќе го збогатат ликовното депо на Центарот за култура, а истовремено ќе бидат значаен дел од богатата ликовна вредност на земјава. Создадените творби на оваа колонија ќе бидат изложени во и надвор од земјава, а првата изложба планирана е кон крајот на август во НУЦК„Марко Цепенков“.

На годинешнава колонија учествуваат: Сергеј Дамовски, Владимир Кнежевиќ, Весна Богоевска, Роберт Пашовски, Радомир Кнежевиќ, Јасминка Новковска, Христина Зафировска, Виолета Танова, Агнешка Сирацка и Тони Чатлески.